بیوروچیف روزنامہ دنیا اکرم عامر سپرد خاک،قل آج ہونگے
سرگودھا(سٹاف رپورٹر )روزنامہ دنیا سرگودھا کے بیورو چیف اورپریس کلب کے سینئر ممبر محمد اکرم عامر کو سینکڑوں سوگواروں کی موجودگی میں مقامی قبرستان میں سپرد خاک کردیا گیا۔۔۔
ان کی نماز جنازہ میں سیاسی و سماجی شخصیات، وکلاء ،ڈاکٹرز کے علاوہ سرگودھا سمیت مختلف اضلاع سے صحافیوں کی کثیر تعداد نے شرکت کی ،مرحوم کی ختم قل خوانی آج 22نومبر کو صبح 9بجے اور دعا 10بجے سلانوالی روڈ پر جامع مسجد توکلی میں ہو گی ، گزشتہ روز اکرم عامر کی تعزیت کیلئے سیاسی و سماجی شخصیات کی آمد کا سلسلہ جاری رہا،ڈائریکٹر او ایس آر دنیا میڈیا گروپ ممتاز گوندل اور ان کی ٹیم ، سابق وزیر مملکت تسنیم احمد قریشی، ایم پی اے میاں اکرام الحق، سابق ایم پی اے طاہر نوید چوہدری ،سابق صدر بار رانا ظفر یاسین ،امیر اہلسنت نگاہ مصطفی چشتی ، لیاقت شام،ریاست علی فیروزی ،ملک شکیل سکندر، سید نجف عباس شا ہ، سید انیس رضا شاہ آف جھامرہ شریف ،غضنفر اسحاق خان بھٹو سمیت احباب کی کثیر تعداد نے سوگواران سے تعزیت کرتے ہوئے مرحوم کے بلندی درجات اور لواحقین کیلئے صبر و جمیل کی دعا کی ہے ۔
