جماعت اہل سنت نے ملک بھر میں یوم تحفظ ناموس رسالت منایا
فیصل آباد(خصوصی رپورٹر)جماعت اہل سنت پاکستان کی اپیل پر ملک بھر میں یوم تحفظ ناموس رسالت منایا گیا۔۔۔
جماعت کے مرکزی اور صوبائی قائدین علامہ سید مظہر سعید کاظمی،پیر خالد سلطان قادری،حاجی حنیف طیب,الحاج احسان الحق فریدی،ڈاکٹر صدیق خان قادری،پیر سید خلیل الرحمن شاہ بخاری، علامہ محمد فاروق خان سعیدی، پیرزادہ معازالمصطفی قادری اور صاحبزادہ ذیشان کلیم معصومی نے کہا کہ حکومت نے 15 مارچ کو یوم تحفظ ناموس رسالت کا جو اعلان کیا تھا یہ اقدام قابل تحسین ہے لیکن اصل اور بنیادی ضرورت اہانت رسالت کا موثر سد باب کرنا ہے کتنے افسوس کا مقام ہے کہ سوشل میڈیا پر آئے دن ناموس اہل بیت، ناموس رسالت ماب، ناموس قران اور صحابہ کرام کی توہین کی جا رہی ہے اور ایسی ایسی غلط غلیظ پوسٹیں وائرل ہو رہی ہیں جو ناقابل بیان و اظہار ہیں اس کے سدباب کے لیے اور اس کے مرتکب افراد کو قرار واقعی سزا دینے کیلئے سخت قوانین بنانے کی ضرورت ہے اس مہم کے پیچھے غیر ملکی اور لادینی قوتیں ہیں لیکن اس کا سد باب کرنا حکومت کی اول ذمہ داری ہے ۔
