نماز جمعہ کے لئے مساجد اور امام بارگاہوں کی سکیورٹی سخت
سرگودھا(سٹاف رپورٹر) ڈسٹرکٹ پولیس آفیسرمحمد صہیب اشرف کی خصوصی ہدایت پر نماز جمعہ کے سلسلہ میں ضلع بھر میں مساجداور امام بارگاہوں پر سیکورٹی کے سخت انتظامات کیے گئے۔
ضلع بھر میں موجود اہم مساجداور امام بارگاہوں کے ساتھ ساتھ نماز جمعہ میں شامل ہونے والے ہر شخص، گاڑی، موٹر سائیکل وغیرہ کو مکمل چیکنگ کے بعد آنے دیاگیا۔ علاوہ ازیں چیکنگ کے لئے اہم پوائنٹس پر واک تھرو گیٹ اورمیٹل ڈیٹیکٹرکا بھی استعمال یقینی بنایا گیا۔ مساجداور امام بارگاہوں پر پارکنگ کا مناسب انتظام کیا گیا۔ڈی پی اوسرگودھا کی خصوصی ہدایت پر نماز جمعہ کے سلسلہ میں ضلع بھر کے ایس ڈی پی اوز اور ایس ایچ اوزنے لگائی گئی ڈیوٹی کو چیک کیا، ڈیوٹی بارے بریف کیااور ملازمین پولیس کو الر ٹ رکھا۔ تمام سیکیورٹی انتظامات کی ڈی پی او سرگودھا نے براہ راست خود نگرانی کی۔
روزنامہ دنیا ایپ انسٹال کریں
