46 اڈا:مویشی چوروں کیخلاف کارروائی، 4 رکنی گینگ گرفتار
گرفتار ملز موں میں عمران، عاقب، اسد اور بلال شامل ، مزید تفتیش جاری
46 اڈا (نمائندہ دنیا )تھانہ عطا شہید پولیس نے مویشی چوری کے مقدمات میں بڑی پیش رفت کرتے ہوئے چار رکنی مویشی چور گینگ گرفتار کر لیا۔ کارروائی کے دوران چوری کے مقدمات میں 93 لاکھ 61 ہزار روپے سے زائد مالیت کا مال مسروقہ برآمد کیا گیا۔گرفتار ملز موں میں عمران، عاقب، اسد اور بلال شامل ہیں۔ برآمدہ مال بعد از قانونی کارروائی اصل مالکان کے حوالے کر دیا گیا ہے ، جبکہ گینگ سے مزید تفتیش جاری ہے اور مزید انکشافات کی توقع ہے ۔ڈی پی او سرگودھا صہیب اشرف نے کہا کہ دیہاتی علاقوں میں مویشی چوری کی روک تھام کے لیے موثر حکمت عملی تشکیل دی گئی ہے اور رسہ گیروں و مویشی چوری میں ملوث افراد کا گھیرا مزید تنگ کیا جا رہا ہے ۔
بہترین کاروائی پر ایس ایچ او عطاء شہید انسپکٹر محمد اقبال، سب انسپکٹر آصف سلطان منگلا اور ان کی ٹیم کو شاباش دی گئی۔ڈی ایس پی صدر سرکل غازی قیصر کی نگرانی میں صدر سرکل سے جرائم کا خاتمہ جاری ہے ۔
