قوانین خلاف ورزی:کئی عمارتیں ،پلازے، دکانیں سیل
مورگاہ روڈ پر زیر تعمیر چھ دکانوں کی غیر قانونی بلڈنگز مسمار کردیں ،ترجمان آر ڈی اے
راولپنڈی (خصوصی نامہ نگار) راولپنڈی ڈویلپمنٹ اتھارٹی کے لینڈ یوز اینڈ بلڈنگ کنٹرول ونگ نے غیر قانونی تعمیرات کے خلاف گرینڈ آپریشن کرتے ہوئے ہائی کورٹ روڈ پر کمرشل عمارتوں، دس پلازوں، بیس دکانوں کو سیل کر دیا اور مورگاہ روڈ پر زیر تعمیر چھ دکانوں کی بلڈنگز کو مسمار کر دیا، یہ عمارتیں منظور شدہ لے آئو ٹ پلان کی خلاف ورزی کر کے تعمیر کی گئیں۔ آر ڈی اے کے ترجمان نے بتایا کہ ڈائریکٹر جنرل آر ڈی اے نے ہدایت کی ہے کہ تجاوزات، غیر قانونی و غیر مجاز تعمیرات اور تجارتی سرگرمیوں کے خلاف بلاخوف و خطر سخت کارروائی جاری رکھیں، عام لوگوں کو مشورہ دیا گیا ہے کہ غیر قانونی ، غیر مجاز علاقے اور اونچی عمارتوں میں کوئی سرمایہ کاری نہ کریں۔
روزنامہ دنیا ایپ انسٹال کریں
