شہر میں کم عمر ڈرائیوروں کیخلاف2607مقدمات
لاہور(سپیشل رپورٹر )لاہور میں کم عمر ڈرائیورز کے خلاف ایک ہفتے میں 2607 مقدمات درج جب کہ سینکڑوں گاڑیاں تھانوں میں بند کردی گئیں۔
چیف ٹریفک آفیسر لاہور مستنصر فیروز کے مطابق کم عمر اور بغیر لائسنس ڈرائیورز کے خلاف بڑے پیمانے پر کریک ڈاؤن جاری ہے ، لاہور میں ایک ہفتے کے دوران کم عمر ڈرائیونگ پر 2607 اور بغیر لائسنس پر 901 مقدمات کئے جا چکے ہیں۔حکام کے مطابق کم عمر بچوں کے ساتھ انہیں گاڑی اور موٹر سائیکل دینے والوں کے خلاف بھی مقدمات درج کر ائے گئے ہیں۔ انہوں نے کہا شہر میں 30لائسنس دفتر، 10موبائل وین اور 3سنٹر 24گھنٹے کھلے ہیں، والدین 18 سال سے کم عمر بچوں کو گاڑی یا موٹر سائیکل ہرگز نہ چلانے دیں۔
روزنامہ دنیا ایپ انسٹال کریں
