جعلی دستاویزات پر بیرون ملک سے آنے والا مسافر گرفتار

لاہور(اپنے کامرس رپورٹر سے ) ایف آئی اے امیگریشن کی لاہور ائرپورٹ پر کارروائی، جعلی دستاویزات پر بیرون ملک سے آنے والا مسافر گرفتار کرلیا گیا
،گرفتار ملزم کی شناخت محمد عبداللہ کے نام سے ہوئی ،ترجمان کے مطابق ملزم فلائٹ نمبر کیوآر 620کے ذریعے سعودی عرب سے لاہور پہنچا، امیگریشن کلیئرنس کے دوران مسافر کو مشکوک پایا گیا، ملزم کے پاسپورٹ پر پاکستان اور پولینڈ انٹری اور ایگزٹ کی جعلی مہریں لگی تھیں،ملزم کومزید تفتیش کے لیے انسدادِ انسانی سمگلنگ سرکل لاہور منتقل کر دیا گیا۔