نوسربازوں نے شہری کو نقدی اور موبائل فون سے محروم کر دیا
فیصل آباد(سٹی رپورٹر)نو سر بازوں نے خود کو روحانی شخصیت ظاہر کرتے ہوئے شہری سے نقدی اور موبائل فون ہتھیا لیا۔
تفصیلات کے مطابق تھانہ سول لائن کے علاقے ریلوے اسٹیشن کے قریب عاصم نیاز نامی مسافر کو نامعلوم نوسر بازوں نے باتوں میں الجھاتے ہوئے خود کو روحانی شخصیات ظاہر کیا اور اس سے نقدی، موبائل فون ہتھیانے کے بعد آنکھیں بند کرکے چند قدم چلنے کا بول کر موقع سے فرار ہو گئے ۔ پولیس نے مقدمہ درج کرکے قانونی کارروائی شروع کر دی ہے ۔
روزنامہ دنیا ایپ انسٹال کریں
