دسمبر 2024 میں پاکستان کے تجارتی خسارے میں 37 فیصد اضافہ ریکارڈ

کراچی: (دنیا نیوز) دسمبر 2024 میں پاکستان کے تجارتی خسارے میں 37 فیصد اضافہ ریکارڈ کیا گیا۔

رپورٹ کے مطابق دسمبر 2024 میں تجارتی خسارہ 37 فیصد اضافے سے 2 ارب 47 کروڑ 50لاکھ ڈالر پر پہنچ گیا، دسمبر 2024 کا تجارتی خسارہ اپریل 2024کے بعد پاکستان کاسب سے زیادہ ہونے والا خسارہ ہے۔

دسمبر2024 میں ملکی برآمدات 3 فیصدبڑھ کر2ارب 90 کروڑ ڈالررہی، ملکی برآمدات ایک سال میں 3 فیصد اور مالی سال 2025 کے چھ ماہ میں 11فیصدبڑھیں ، ملکی درآمدات دسمبر 2024 میں 20 فیصد بڑھ کر 5 ارب 39 کروڑ 40 لاکھ ڈالر رہی۔

ملکی درآمدات ایک سال کے عرصے میں 16 فیصد اور مالی سال 2025 کے چھ ماہ میں 7 فیصد بڑھیں،مالی سال 2025 کے پہلے چھ ماہ جولائی سے دسمبر تک تجارتی خسارہ اضافے سے 11 ارب 20 کروڑ ڈالر رہا۔  

روزنامہ دنیا ایپ انسٹال کریں