ٹی ٹوئنٹی بلائنڈ کرکٹ ورلڈ کپ: پاکستان کی نیپال کو شکست، سیمی فائنل کیلئے کوالیفائی کر لیا
لاہور: (دنیا نیوز) ٹی ٹوئنٹی بلائنڈ کرکٹ ورلڈ کپ، غنی انسٹیٹیوٹ میں کھیلے گئے میچ میں پاکستان بلائنڈ نے نیپال بلائنڈ کو 10 وکٹوں سے شکست دے دی۔
قومی بلائنڈ ٹیم نے 101 رنز کا ہدف بغیر کسی نقصان کے 6.3 اوورز میں پورا کرلیا، پاکستان بلائنڈ کی جانب سے نعمت اللہ نے جارحانہ 30 گیندوں پر 73 رنز کی ناقابلِ شکست اننگز کھیلی۔
نیپال بلائنڈ نے پہلی اننگز میں 18 اوورز کے میچ میں 5 وکٹوں کے نقصان پر 100 رنز بنائے، نیپال بلائنڈ کی جانب سے بھارت ٹھپا نے 39 رنز کی اننگز کھیلی۔
قومی بلائنڈ ٹیم کے ہارون خان نے دو کھلاڑیوں کو آؤٹ کیا، پاکستان بلائنڈ نے ایونٹ میں تیسری فتح کے ساتھ سیمی فائنل کیلئے بھی کوالیفائی کرلیا۔
