جرمنی میں کتوں کی سب سے بڑی پریڈ کا نیا عالمی ریکارڈ قائم
ریگنشبرگ: (ویب ڈیسک) جرمنی میں کتوں کی سب سے بڑی پریڈ نے نیا عالمی ریکارڈ قائم کر دیا۔
غیر ملکی میڈیا کے مطابق جرمنی کے شہر ریگنسبرگ میں کتوں کی پریڈ ہوئی، اس تاریخی پریڈ میں 897 مختلف النسل کتوں نے اپنے مالکان کے ساتھ سڑک پر واک کی جس کو دنیا کی سب سے بڑی ڈگ واک قرار دیا گیا۔
رپورٹ کے مطابق کتوں نے اپنے مالکان کے ساتھ نہ صرف پریڈ میں شرکت کی بلکہ اس موقع پر مختلف مقابلے اور تفریحی سرگرمیاں بھی منعقد ہوئیں۔
بعض میڈیا میں کتوں کی تعداد 1175 بتائی گئی ہے تاہم گنیز بک آف ورلڈ ریکارڈ کے حکام کے مطابق پریڈ میں 897 کتوں نے شرکت کی جو اب تک سب سے زیادہ شرکت ہے اور اسی بنیاد پر یہ ریکارڈ باضابطہ تسلیم کیا گیا۔
اس انوکھی اور دلچسپ پریڈ کا انعقاد ڈیکل میوزیم کے بانی سیپی گلپیک نے کیا تھا، شرکاء نے اس ایونٹ کو بہت خوش آئند اور یادگار قرار دیا ہے۔
