افریقی ملک بینن میں سمگل شدہ پٹرول کے ڈپو میں آتشزدگی، 35افراد ہلاک
پورٹو نوو(آئی این پی)مغربی افریقی ملک بینن میں سمگل شدہ پٹرول کے ڈپو میں آتشزدگی سے 35 افراد ہلاک ہو گئے ۔ غیر ملکی میڈیا کے مطابق یہ آئل ڈپو غیر قانونی طور پر قائم کیا گیا تھا جہاں حفاظتی اقدامات نہ ہونے کے برابر تھے ۔
موٹر سائیکل اور کار سوار یہاں سے سمگل شدہ پٹرول سستے داموں خریدتے تھے ۔ آئل ڈپو سے پٹرول تھیلیوں اور بوتلوں میں دیا جا تا تھا۔ تھیلیوں کے پھٹنے سے پٹرول پھیل گیا اور سگریٹ کی راکھ گرنے سے آگ بھڑک اٹھی۔ آگ نے پورے ڈپو کو اپنی لپیٹ میں لے لیا۔ امدادی ٹیموں کے پہنچنے سے قبل ہی 35 افراد جھلس کر ہلاک ہوگئے جبکہ درجنوں موٹر سائیکلیں، کاریں اور گھر بھی خاکستر ہوگئے ۔ 6 افراد کی حالت تشویشناک بتائی جارہی ہے جبکہ ہلاکتوں میں اضافے کا خدشہ ظاہر کیا جا رہا ہے ۔
روزنامہ دنیا ایپ انسٹال کریں
