غزہ تنازع کا حل دو خود مختار ریاستوں کا قیام :سعودی وزیر خارجہ
ریاض (مانیٹرنگ ڈیسک)سعودی وزیر خارجہ فیصل بن شہزاد نے کہا ہے کہ غزہ تنازع کا حل دو خود مختار ریاستوں کا قیام ہے ، قابل اعتماد اور ٹھوس امن منصوبے پر کام کیے بغیر غزہ میں جنگ کا مکمل خاتمہ ممکن نہیں ۔
انہوں نے بحیرہ روم کے ممالک کی یونین کے وزرائے خارجہ کے آٹھویں علاقائی فورم سے خطاب کرتے ہوئے تجویز دی کہ غزہ میں امن کے لیے قابل اعتماد اور ٹھوس امن مذاکرات ہونا چاہئیں ۔ سعودی وزیر خارجہ نے غزہ میں امدادی سامان کی ترسیل کے لیے تمام ممکنہ ذرائع ستعمال کرنے کی اہمیت پر زور دیتے ہوئے کہا کہ جنگ زدہ علاقوں کے شہری امداد کے منتظر ہیں۔
روزنامہ دنیا ایپ انسٹال کریں
