ایلون مسک کا دورہ اسرائیل اسٹار لنک سروس غزہ کو فراہم نہ کرنے پر اتفاق
تل ابیب (مانیٹرنگ ڈیسک)ٹیسلا، اسپیس ایکس اور ایکس کے مالک ایلون مسک نے اسرائیل کا دورہ کیا ہے اور اس دوران وہ ان علاقوں میں بھی گئے۔۔۔
جہاں 7 اکتوبر کو حماس نے آپریشن طوفان الاقصیٰ کیا تھا۔ایلون مسک 27 نومبر کی صبح تل ابیب پہنچے تھے جس کے بعد انہوں نے اسرائیلی وزیراعظم کے ساتھ مختلف علاقوں کا دورہ کیا۔ایلون مسک کے دورے کے موقع پر اسرائیل کی جانب سے ان کے ساتھ ایک معاہدہ کرنے کا اعلان بھی کیا گیا۔اسرائیلی وزیر شلمون نے اعلان کیا ہے کہ ایلون مسک نے اسرائیل کی مرضی کے بغیر غزہ کو اسٹار لنک سیٹلائیٹ انٹرنیٹ سروس فراہم نہ کرنے پر اتفاق کیا ہے ۔اس سے قبل ایلون مسک نے غزہ میں مواصلاتی نظام اور انٹرنیٹ بندش پر سیٹلائیٹ انٹرنیٹ سروسز دینے کا اعلان کیا تھا جس کی اسرائیل کی جانب سے مخالفت کی گئی تھی۔
روزنامہ دنیا ایپ انسٹال کریں
