سمندری طوفان ویتنام سے ٹکرا گیا ،3 ہلاک،متعدد لاپتا
![سمندری طوفان ویتنام سے ٹکرا گیا ،3 ہلاک،متعدد لاپتا](https://dunya.com.pk/news/2024/September/09-08-24/news_big_images/2403600_29887632.jpg)
ہنوئی (اے ایف پی)سپر ٹائفون یاگی ہفتے کی دوپہر شمالی ویتنام سے ٹکرا گیا جس کے نتیجے میں کم از کم تین افراد ہلاک اور متعدد لاپتا ہو گئے ۔
حکام کے مطابق طوفان نے کوانگ نین صوبے میں کئی گھروں کی چھتیں اکھاڑ دیں،تیز ہوا سے عمارتوں کے شیشے ٹوٹ گئے ، کئی درخت جڑوں سے اکھڑ گئے ۔ ساحلی قصبوں سے 50 ہزار افراد کو محفوظ مقام پر منتقل کر دیا گیا ۔ملک میں 300 سے زیادہ پروازیں منسوخ کردی گئیں ۔ دارالحکومت ہنوئی سمیت 12 شمالی صوبوں میں ہائی سکول بھی بند کر دئیے گئے ۔