ملائشیا:شدید بارشیں ، 6ریاستوں میں سیلاب، 37 ہزار متاثر
کوالالمپور،اسلام آباد(مانیٹرنگ ڈیسک ،اے پی پی)ملائشیامیں شدید بارشوں کے باعث 6 ریاستوں میں سیلابی صورتحال کا سامنا ہے ۔
ملائشین وزیر اعظم انور ابراہیم کا کہنا ہے کہ متاثرہ ریاستوں میں سیلابی صورتحال سے 37 ہزار سے زائد افراد متاثر ہیں۔ بارشوں سے ریاست کلانتان سب سے زیادہ متاثر ہوئی ہے جہاں 30 ہزار 582 افراد بے گھر ہو گئے ۔انہوں نے بتایا کہ متاثرین کیلئے 322 عارضی پناہ گاہیں قائم کر دی گئی ہیں۔پی ایم آفس کے میڈیا ونگ سے جاری بیان کے مطابق وزیر اعظم شہباز شریف نے ملائشیا میں سیلاب کی تباہ کاریوں پر افسوس کا اظہار کرتے ہوئے کہاہے کہ دکھ کی اس گھڑی میں ملائشیا کی عوام کے ساتھ کھڑے ہیں،پاکستان ملائشیا میں مصیبت زدہ اپنے بہن بھائیوں کی ہرممکن مدد کرے گا۔
روزنامہ دنیا ایپ انسٹال کریں
