پاکستان نے رافیل گراکر دنیا کے عسکری ماہرین کو حیران کر دیا:بر طانوی اخبار
لندن(دنیا نیوز)برطانوی اخبار ٹیلی گراف کا کہنا ہے کہ پاکستان نے بھارتی رافیل گراکر دنیا کے عسکری ماہرین کو حیران و پریشان کر دیا۔
ٹیلی گراف کے مطابق بھارتی رافیل گرا کر پاکستان نے فضاؤں میں اپنی برتری ثابت کر دی، پاکستان نے نادیدہ اور خاموش ٹیکنالوجی سے بھارت پر دھاک بٹھا دی۔برطانوی اخبار کا کہنا ہے کہ بالاکوٹ واقعے کے بعد بھارت اپنے لیے طاقتور جہاز خریدتا رہا، بالاکوٹ واقعے کے بعد پاکستان چین کی مدد سے سائلنٹ ٹیکنالوجی حاصل کرتا رہا۔ٹیلی گراف کا کہنا تھا کہ رافیل طیاروں کے بھارتی پائلٹس کو سمجھ ہی نہ آسکا انہیں کس چیز نے تباہ کیا، بھارتی رافیل طیاروں کے پائلٹس کو اپنی طرف آتی ہوئی موت کی خبر تک نہ ہوئی۔پاک چین ٹیکنالوجی کے خوف سے بھارتی رافیل سرحد سے 300 کلو میٹر دور رہے ۔
روزنامہ دنیا ایپ انسٹال کریں
