وحیدمراد کو وفات کے 27سال بعد ستارہ امتیاز سے نوازاگیا
چاکلیٹی ہیروکی آج 37ویں برسی ،23نومبر 1983کو دارفانی سے کوچ کرگئے تھے
لاہور(شوبزڈیسک) چاکلیٹی ہیرو وحید مراد کو ان کی وفات کے27سال بعد 2010 میں ستارہ امتیاز سے نوازاگیاتھا ،آج ان کی 37ویں برسی منائی جا رہی ہے ۔ وحید مراد 2اکتوبر 1938 کو کراچی میں پیدا ہوئے ، ایم اے انگلش کرنے کے بعد فنی کیریئر کا آغاز فلم ’’اولاد‘‘سے کیا ۔1966 میں وحید مراد نے اپنی پروڈکشن کے بینر تلے بنی کامیاب فلم ’’ارمان‘‘میں کام کیا،انہوں نے کل 124 فلموں میں کام کیا جن میں8 پنجابی اور ایک پشتو فلم بھی شامل ہے ۔1980میں وحید مراد کا خوفناک ایکسیڈنٹ ہوا تھا اوروہ شدید زخمی ہوگئے تھے ۔وحیدمراد 23نومبر 1983 کی اپنے خالق حقیقی سے جاملے ۔
روزنامہ دنیا ایپ انسٹال کریں
