بالی ووڈ میں انٹری سکہ اچھال کر ہوئی:پریتی زنٹا
ممبئی(شوبز ڈیسک)بالی ووڈ اداکارہ پریتی زنٹا نے انکشاف کیا ہے کہ انہوں نے سکہ اچھال کر بالی ووڈ میں قدم رکھنے کا فیصلہ کیا۔
انہوں نے خود انکشاف کیا ہے کہ ان کے اس کامیاب کیریئر کا آغاز سکے کے ذریعے کئے گئے ٹاس سے ہوا۔ایک شو میں گفتگو کرتے ہوئے پریتی نے بتایا کہ کہ اگر ٹاس ان کے حق میں نہ ہوتا تو شاید وہ اداکاری کا انتخاب نہ کرتیں، انہیں شیکھر کپور کی فلم 'تارا رم پم پم' کی پیشکش کی گئی تو اس کو کرنے کا فیصلہ انہوں نے قسمت پر چھوڑ دیا۔
پریتی زنٹا نے کہا کہ یہ پرفیکٹ کہانی لگتی تھی مگر میں نے فیصلہ کیا کہ اگر یہ میری قسمت ہے تو میں ٹاس کروں گی اگر ہیڈز آیا تو میں یہ فلم کروں گی اور اگر ٹیل آیا تو میں نہیں کروں گی۔اگرچہ پریتی زنٹا کا ہیڈز ہی آیا مگر'تا را رم پم پم' ریلیز نہیں ہو سکی اور انہوں نے ٹاس کا فیصلہ آنے پر بالی ووڈ میں قدم رکھا دیا۔
روزنامہ دنیا ایپ انسٹال کریں
