سومیہ خان نے ٹی 20ورلڈ کپ کیلئے گانا تیار کرلیا
لاہور(شوبزڈیسک) گلوکارہ سومیہ خان نے ٹی ٹونٹی ورلڈ کپ میں قومی ٹیم کو سپورٹ کرنے کیلئے گانا تیار کرلیا۔
گانے کی لانچنگ تقریب 29 مئی کو ہوگی۔ سونگ کے لیرکس، کمپوزر عمران انیس، ڈائریکٹر نوید چودھری، ارینج اور ماسٹر تابش تافو اور تافو سٹوڈیو میں ریکارڈ کیا گیا ہے ۔سنگر سومیہ خان نے گفتگو کرتے ہوئے کہا کہ ٹی ٹونٹی کرکٹ ورلڈ کپ کیلئے تیار کردہ سونگ ‘‘جیتیں گے جیتیں گے ورلڈ کپ ہم جیتیں گے ’’ جوش و ولولے سے بھرپور ہے جو کھلاڑیوں کی حوصلہ افزائی اور جیت کی لگن میں معاون ثابت ہوگا۔ ہمیشہ منفرد میوزک پیش کرنے کی کوشش کی ہے ۔ ورلڈ کپ کیلئے گانا 29 مئی کو سومیہ خان کے آفیشل چینل پر ریلیز کیا جائے گا۔ لانچنگ تقریب پلاک نزد قذافی سٹیڈیم میں ہوگی۔
روزنامہ دنیا ایپ انسٹال کریں
