مریم نوازکا سموگ پر بیان تکبر اور بے حسی ہے:خالد انعم
لاہور(شوبزڈیسک)سینئر اداکار خالد انعم نے انسٹاگرام پر وزیراعلیٰ مریم نواز کی پنجاب میں سموگ کے حوالے سے گفتگو شیئر کرتے ہوئے انہیں آڑے ہاتھوں لیا اور۔۔۔
پوسٹ میں لکھا کہ ‘لندن کی ایون فیلڈ میں بیٹھی ہوئی مریم نواز کا اپنے مہنگے لباس، مائیکروبلیڈڈ آئی برو، کرسچن ڈیور کے چشمے ، بربیری اسکارف اور کینیڈا گوز کے فر کوٹ کے ساتھ پنجاب میں اسموگ کے خاتمے پر گفتگو کرنا حد درجہ تکبر اور بے حسی کا مظاہرہ ہے ۔’اداکار اس سے قبل بھی ن لیگی رہنماؤں پر تنقید کرتے نظر آئے ہیں تاہم اس مرتبہ سوشل میڈیا صارفین نے بھی خالد انعم کو سپورٹ کیا ہے اور مریم نواز کی آسائشوں پر سوالات اُٹھائے ہیں۔ یاد رہے کہ پنجاب اس وقت ماحولیاتی تباہی کا سامنا کر رہا ہے جبکہ وزیراعلیٰ پنجاب مریم نواز لندن میں قیام پذیر ہیں۔
روزنامہ دنیا ایپ انسٹال کریں
