زندگی پر بھروسہ نہیں، 6پراجیکٹس پر کام شروع:عامر خان
ممبئی (شوبزڈیسک )معروف بالی وڈ اداکار عامر خان نے انکشاف کیا کہ انہوں نے اپنی زندگی کے آخری 10 فعال سالوں کو مدنظر رکھتے ہوئے چھ پراجیکٹس پر بیک وقت کام شروع کیا ہے ۔ 59 سالہ اداکارنے ایک انٹرومیں کہاکہ زندگی کا کچھ بھروسہ نہیں، "ہم کل مر سکتے ہیں۔۔۔
اس لیے میں اپنی زندگی کے آخری 10 سال سب سے زیادہ مصروف بنانا چاہتا ہوں۔ عامر نے بتایا کہ جب ان کی سابقہ اہلیہ کرن راؤ نے انہیں 97 سالہ اداکار کلنٹ ایسٹ وڈ کی مثال دی، جو اب بھی فلم انڈسٹری میں متحرک ہیں، تو عامر نے جواب دیا کہ یہ ایک استثنائی کیس ہے ۔ "میں 70 سال کی عمر تک کام کرنا چاہتا ہوں اور اس دوران نئی صلاحیتوں کو پلیٹ فارم دینا چاہتا ہوں۔"ریٹائرمنٹ کے بارے میں بات کرتے ہوئے ، عامر نے مزاحیہ انداز میں کہا کہ جب انہوں نے اپنی ریٹائرمنٹ کی خواہش گھر والوں کے ساتھ شیئر کی، تو ان کی بیٹی نے کہا: "پلیز پاپا، آپ سب وقت ہمارے ساتھ نہ گزاریں، ہم پاگل ہو جائیں گے !"
