2024کا مس یونیورس کا تاج ڈنمارک کی حسینہ نے جیت لیا
میکسیکو (شوبزڈیسک )سال 2024 کا مس یونیورس کا تاج ڈنمارک کی حسینہ نے جیت لیا۔ میکسیکو سٹی میں سالانہ مقابلہ حسن کے فائنل مقابلوں میں مختلف ممالک کی حسیناؤں نے شرکت کی، مقابلے کا آغاز جمعرات کو ہوا تھا۔۔۔
جس کے بعد 120 حسیناؤں میں سے 30 کو شارٹ لسٹ کیا گیا۔بعد ازاں پانچ فائنل امیدواروں میں سے ڈنمارک کی 21 سالہ ‘وکٹوریہ کجر تھیل ویگ’ کو مس یونیورس 2024 قرار دیا گیا، وہ یہ مقابلہ جیتنے والی پہلی ڈینش حسینہ ہیں۔نائیجیریا کی چیڈیما ایڈیٹشینا دوسرے ، میکسیکو کی ماریا فرنینڈا تیسرے اور تھائی لینڈ کی سچتا چوانگسری چوتھے نمبر پر رہیں۔وینزویلا کی 28 سالہ الیانا مارکیز پیڈروزا (جو ایک ماں بھی ہیں) نے پانچویں پوزیشن حاصل کرکے تاریخ رقم کی، جبکہ مالٹا کی بیٹریس نجویا پہلی خاتون بن گئیں جو چالیس سال سے زائد عمر میں گرینڈ فائنل تک پہنچیں۔یاد رہے کہ اس سال مس یونیورس کی 72 سالہ تاریخ میں پہلی بار 28 سال سے زیادہ عمر کی خواتین کو بھی مقابلے میں حصہ لینے کی اجازت دی گئی۔
