امریکی خاتون ماڈل اور اہلخانہ برازیل میں اغواوبازیاب
ساؤ پاؤلو(شوبزڈیسک)امریکی شہر نیویارک سے تعلق رکھنے والی برازیلین ماڈل لوسیانا کرٹس کو ان کے شوہر اور 11 سالہ بچے کے ساتھ گن پوائنٹ پر اغوا کرلیا گیا۔
غیر ملکی میڈیا کے مطابق یہ واقعہ 27 نومبر کو ساؤ پاؤلو میں پیش آیا، جہاں انہیں 12 گھنٹوں تک یرغمال بنا کر رکھا گیا۔مسلح افراد نے انہیں ایک ریسٹورنٹ سے نکلتے ہوئے زبردستی اپنی گاڑی میں بیٹھا لیا اور ایک جھونپڑی میں قید رکھا، اغواکاروں نے ماڈل اور ان کے شوہر کو بینک اکاؤنٹس سے رقم منتقل کرنے پر مجبور کیا۔تاہم پولیس کے سرچ آپریشن کی خبر ملنے پر ملزمان نے لوسیانا اور ان کے اہلِ خانہ کو آزاد کر دیا۔ ملزموں سے رہائی کے بعد ماڈل شوہر اور بچے کے ہمراہ علاقے سے گزرنے والے ایک ٹرک کے ذریعے قریبی پولیس سٹیشن پہنچے، جہاں ان کے بیانات قلم بند کیے گئے اور تحقیقات کا آغاز کیا گیا۔
روزنامہ دنیا ایپ انسٹال کریں
