ترپتی ڈمری نے شہرت میں دپیکا، عالیہ بھٹ کو پیچھے چھوڑ دیا
ممبئی(شوبزڈیسک)بھارت کی خوبرو اداکارہ ترپتی ڈمری نے بھارت کی سب سے زیادہ سرچ کی جانے والی شخصیات میں دپیکا پڈوکون اور عالیہ بھٹ کو بھی پیچھے چھوڑتے ہوئے پہلا نمبر حاصل کرلیا۔
انٹرٹینمنٹ رینکنگ اور انفارمیشن کی ویب سائٹ آئی ایم ڈی بی نے 2024 کے لیے سب سے مشہور ہندوستانی فلمی شخصیات کی فہرست جاری کی ہے جس میں ترپتی ڈمری نے حیرت انگیز طور پر بالی ووڈ کنگ شاہ رخ خان، دیپیکا پڈوکون اور عالیہ بھٹ سمیت تفریحی دنیا کی کچھ مشہور شخصیات کو پیچھے چھوڑ کر سرفہرست مقام حاصل کیا ہے ۔انٹرنیٹ مووی ڈیٹا بیس (آئی ایم ڈی بی) کی سب سے زیادہ سرچ کی جانے والی ٹاپ ٹین شخصیات میں ترپتی ڈمری کے بعد، دوسرے نمبر پر دیپیکا پڈوکون، ایشان کھتر، شاہ رخ خان اور سوبھیتا دھولی پالا رہے، جبکہ شروری واگھ، ایشوریہ رائے اور سمانتھا روتھ پربھو بالترتیب چھٹے، ساتویں اور آٹھویں نمبر پر ہیں۔ فہرست میں عالیہ بھٹ اور پربھاس نے نویں اور دسویں پوزیشن حاصل کی ہے۔
