70سالہ اداکار 31 سالہ ساتھی اداکارہ کی محبت میں گرفتار
ممبئی(شوبزڈیسک)بالی ووڈ کے ماضی کے مشہور اداکار گووند نام دیو کے خود سے 39 سال کم عمر لڑکی اداکارہ شیوانگی ورما کے ساتھ تعلقات کی وجہ سے شہ سرخیوں کا حصہ بن گئے ہیں۔
یہ قیاس آرائیاں اس وقت شروع ہوئیں جب شیوانگی نے سوشل میڈیا پر 70 سالہ اداکار گووند کے ساتھ ایک تصویر شیئر کرتے ہوئے لکھا کہ ‘محبت کی کوئی عمر نہیں ہوتی۔’ تاہم اب گووند نام دیو نے ان خبروں پر ردعمل دیتے ہوئے واضح کیا کہ ان کا شیوانگی ورما کے ساتھ تعلق صرف پیشہ ورانہ ہے کیونکہ وہ ایک ایسے پراجیکٹ پر کام کر رہے ہیں جس میں ایک زائد العمر شخص کو ایک کم عمر نوجوان لڑکی سے محبت ہوگئی ہے ۔ اداکار نے اسی تصویر کو دوبارہ شیئر کرتے ہوئے کہا کہ ان کی بیوی سودھا نام دیو ہی ان کی زندگی ہیں اور وہ ان کے علاوہ کسی اور سے محبت نہیں کرتے ۔ گووند نے مزید وضاحت کی کہ یہ افواہیں ایک فلم کے پلاٹ کا حصہ ہیں۔گووند نے اپنی پوسٹ میں لکھا:یہ ریئل لائف نہیں صاحب ریل لائف ہے، میری زندگی میں صرف سودھا ہی اہم ہیں۔ وہ میری سانس ہیں، اور دنیا کی کوئی بھی دولت ان کے برابر نہیں ہوسکتی۔
