گلہری موقع پرست اور ہر قسم کی خوراک کھاسکتی ہے
کیلیفورنیا(نیٹ نیوز)سائنس دانوں کو پہلی بار امریکی ریاست کیلیفورنیا میں گوشت خور گلہریاں ملی ہیں جسے دیکھ کر ماہرین حیران رہ گئے ہیں۔
ان گلہریوں کو اکثر اپنے منہ میں گری دار میوے، بیج یا اناج سے بھرتے دیکھا جاتا رہا ہے۔ لیکن تازہ ترین دریافت جو جرنل آف ایتھولوجی میں شائع ہوئی ہے ، سے پتہ چلتا ہے کہ گلہری موقع پرست ہمہ خور ہو سکتی ہیں یعنی ہر قسم کی خوراک کھانے والی۔تحقیق میں یونیورسٹی آف کیلیفورنیا ڈیوس کے سائنسدانوں نے جون اور جولائی 2024 کے دوران گلہریوں کے 74تعاملات کا جائزہ لیا۔انہوں نے پایا کہ 42فیصد سے زیادہ گلہریوں کو چھوٹے چوہوں کا شکار کرتے اور کھاتے ہوئے دیکھا گیا۔نئی تحقیق کے بعد گلہریوں کے بارے میں سائنسدانوں کے تاثرات بدل رہے ہیں اوروہ اس پر مزید تحقیق کرناچاہتے ہیں۔
روزنامہ دنیا ایپ انسٹال کریں
