سائرہ یوسف کی سُپر سٹور میں چوری کی سی سی ٹی وی ویڈیو وائرل
لاہور(شوبزڈیسک )پاکستانی اداکارہ اور ماڈل سائرہ یوسف کی سُپر سٹور میں چوری کی سی سی ٹی وی ویڈیو وائرل ہوگئی ۔
،ویڈیو میں سائرہ کو ایک سپر سٹور میں داخل ہوتے اور خریداری کیلئے سٹور کے ایک سے دوسرے حصے میں گردش کرتے دیکھا جاسکتا ہے ۔لیکن اس ویڈیو کا سب سے حیران کن لمحہ وہ ہے جب سائرہ ایک ریک کے قریب رکتی ہیں، چاروں طرف نظر ڈالتی ہیں، اور پھر ہوڈی سے اپنا چہرہ چھپاتے ہوئے چاکلیٹس کے ڈبوں کو اپنے بیگ میں رکھ لیتی ہیں۔ اس کے بعد وہ جلدی سے سٹور سے باہر نکل جاتی ہیں۔ویڈیو کے منظر عام پر آنے کے بعد سوشل میڈیا صارفین حیرت اور تشویش میں مبتلا ہیں کہ اداکارہ بھلا اس طرح چوری کیسے کر سکتی ہیں۔ کچھ لوگ اسے حقیقت ماننے کو تیار نہیں ہیں اور اسے کسی اشتہاری مہم کا حصہ یا مصنوعی ذہانت کی مدد سے بنائی گئی ویڈیو قرار دے رہے ہیں۔ تاہم ابھی تک اس ویڈیو کی حقیقت کے بارے میں کوئی تصدیق سامنے نہیں آئی ہے ۔
