بھارتی گلوکار شان کے گھر پر آتشزدگی ، خاتون جھلس کر زخمی
ممبئی (شوبزڈیسک )بالی ووڈ کے معروف گلوکار شان کی رہائشی عمارت میں آگ لگنے سے ایک 80 سالہ خاتون شدید جھلس گئی۔
بھارتی میڈیا کے مطابق متاثرہ خاتون کو ریسکیو کر کے ہسپتال منتقل کر دیا گیا ہے تاہم اس کی حالت تشویشناک بتائی ہے ۔ یہ واقعہ ممبئی کے علاقے باندرہ ویسٹ میں واقع فارچیون انکلیو عمارت کی 7 ویں منزل پر پیش آیا۔ گلوکار شان اس عمارت کی 11 ویں منزل پر رہائش پذیر ہیں۔ آگ لگنے کی ممکنہ وجہ شارٹ سرکٹ کو قرار دیا جا رہا ہے ۔
روزنامہ دنیا ایپ انسٹال کریں
