ہمارے پاس ہالی ووڈ والوں سے زیادہ تخلیقی صلاحیت :خلیل الرحمٰن
لاہور(شوبز ڈیسک ) پاکستانی ڈرامہ نگار خلیل الرحمٰن قمر نے پاکستانی فلموں کو ہالی ووڈ فلموں سے بہتر قرار دے دیا۔
اس پوڈ کاسٹ میں ان کاکہناتھاکہ میں ہالی ووڈ کے بارے میں سوچتا ہی نہیں ہوں، آپ لوگ بچوں والی باتیں کیوں کرتے ہیں؟، ہم ہالی ووڈ والوں سے بڑے لوگ ہیں، ان کے پاس صرف وسائل ہم سے بڑے ہیں، تخلیقی صلاحیت کسی امریکا، انڈیا یا جاپان کی محتاج نہیں ہے ، ہم لوگ یہاں نہ ہونے کے برابر وسائل میں اچھی فلمیں بناتے ہیں۔خلیل الرحمٰن قمر نے کہا کہ ہم قلیل وسائل کے ساتھ اچھی فلمیں بناتے ہیں تو اس کا مطلب صاف ہے کہ ہمارے پاس تخلیقی صلاحیت ہالی ووڈ والوں سے زیادہ ہے ۔ اگر مجھے ہالی ووڈ کو ملنے والے وسائل کا ایک تہائی حصّہ بھی دے دیا جائے تو میں ہالی ووڈ فلموں سے 10 گنا بہتر فلم آرام سے بنا کر دے دوں گا۔
روزنامہ دنیا ایپ انسٹال کریں
