ثنا خان کے ہاں بیٹے کی پیدائش، طارق مسعود رکھنے کی تجویز
ممبئی (شوبزڈیسک )اسلام کی خاطر بالی ووڈ کو خیرباد کہنے والی بھارتی اداکارہ ثناء خان نے مداحوں کو دوسرے بیٹے کی پیدائش کی خوشخبری سنا دی۔
ثناء خان نے انسٹاگرام پر ایک اینیمیٹڈ ویڈیو شیئر کی اور لکھا کہ اللّٰہ سے دعا ہے کہ وہ ہمیں اس کی اچھی پرورش کرنے کی توفیق دے تاکہ یہ اللّٰہ کا تابع دار بندہ بنے ۔ ہم یہ اطلاع دیتے ہوئے بہت خوش ہیں کہ ہمارے ہاں 5 جنوری 2025ء یعنی 5 رجب 1446ہجری کو ایک ننھے شہزادے کی پیدائش ہوئی ہے اور طارق جمیل نے اپنے چھوٹے بھائی کا بہت پُرجوش انداز میں استقبال کیا ہے ۔اینیمیٹِڈ ویڈیو میں لکھا ہے کہ ہر چیز جو اللّٰہ نے ہمیں عطاء کی اس پر شکر گزار ہیں۔سابقہ بھارتی اداکارہ نے یہ ویڈیو شیئر کرتے ہوئے کیپشن میں لکھا ہے کہ اللّٰہ تعالیٰ نے ہر چیز مقدر میں لکھی ہے ۔ اللّٰہ ہمیں ہر چیز صحیح وقت آنے پر عطاء کرتا ہے اور جب عطاء کرتا ہے تو جھولیاں خوشیوں سے بھر دیتا ہے ۔ایک صارف نے لکھا ہے کہ سابقہ اداکارہ اپنے اس بیٹے کا نام مفتی مینک رکھیں گی جبکہ ایک صارف نے تجویز دیتے ہوئے لکھا ہے کہ اس بچے کے بڑے بھائی کا نام طارق جمیل ہے تو اب چھوٹے کا نام طارق مسعود رکھ لیں۔
