علیزے شاہ کیساتھ کام کرنا بہت مشکل :نعمان حبیب
لاہور(شوبز ڈیسک) معروف اداکار نعمان حبیب نے کہاہے کہ علیزے شاہ کے ساتھ کام کرنا بہت مشکل ہے ۔
ایک انٹرویو کے دوران اُنہوں نے کہا کہ میرے لیے علیزے شاہ ایک مشکل ساتھی اداکارہ تھیں کیونکہ ان کے ساتھ کام کرتے ہوئے شوٹنگ کے شیڈول میں کافی مسائل کا سامنا پڑا تھا، میں یہ نہیں کہوں گا اس میں علیزے شاہ کی ہی غلطی ہو گی کیونکہ شوٹنگ کا شیڈول متاثر ہونے میں پروڈکشن کی بھی غلطی ہو سکتی ہے ۔ پروڈکشن والے بھی اکثر طے شدہ تاریخوں پر شوٹنگ نہیں کرتے اور بعد میں قصور وار اداکار کو ٹھہرا دیتے ہیں۔اُنہوں نے بتایا کہ میں نے حال ہی میں علیزے شاہ کے ساتھ ایک پروجیکٹ کی شوٹنگ مکمل کروائی ہے جس میں ہمیں ان کے شیڈول کی وجہ سے بہت مشکل ہوئی اور شوٹنگ مکمل ہونے میں بہت زیادہ وقت لگ گیا۔
روزنامہ دنیا ایپ انسٹال کریں
