اداکار سونو سود کی گاڑی کو خوفناک حادثہ، اہلیہ بال بال بچ گئیں
ممبئی (شوبزڈیسک ) معروف بھارتی اداکار اور ایکشن ولن سونو سود کی گاڑی ہائی وے پر ایک حادثے میں مکمل طور پر تباہ ہوگئی۔
بھارتی میڈیا کے مطابق سونو سود کی اہلیہ اپنی بہن اور بھانجے کے ساتھ ممبئی سے ناگپور ہائی وے پر سفر کر رہی تھیں کہ کار حادثے کا شکار ہوگئی۔جائے حادثہ سے اداکار کی اہلیہ اور بھانجے کو شدید زخمی حالت میں ہسپتال منتقل کیا گیا جہاں انھیں طبی امداد فراہم کی گئی۔سونو سود حادثے کی اطلاع ملتے ہی ناگپور پہنچے اور اس وقت اپنی اہلیہ کے ساتھ ہیں۔
روزنامہ دنیا ایپ انسٹال کریں
