شوبز کی دوستیاں صرف سوشل میڈیا تک محدود :نعیمہ بٹ
لاہور(شوبزڈیسک) اداکارہ نعیمہ بٹ نے کہاہے کہ شوبز کی دوستیاں صرف سوشل میڈیا تک ہوتی ہیں حقیقت میں کوئی دوست نہیں ہوتا۔ ایک نجی ٹی وی پروگرام میں نعیمہ نے کہا کہ شوبز میں اکثر دوستیاں صرف سوشل میڈیا تک محدود ہوتی ہیں اور حقیقت میں ان میں کوئی گہرائی یا خلوص نہیں ہوتا۔
نعیمہ بٹ نے انکشاف کیا کہ ان کے چند ساتھی اداکار سوشل میڈیا پر قریبی دوست بننے کا دکھاوا کرتے ہیں، مگر نجی محفلوں اور تقریبات میں ان کا رویہ بالکل مختلف ہوتا ہے ۔انہوں نے دعویٰ کیا کہ کچھ لوگ ایونٹس کے دوران انہیں پیچھے دھکیلنے کی کوشش کرتے تھے ، جبکہ آن لائن یہ تاثر دیتے تھے جیسے وہ بہترین دوست ہوں، اداکارہ نے بغیر کسی کا نام لیے کہا کہ شوبز میں دکھائی جانے والی ‘فرینڈشپ گولز’ اکثر ایک مصنوعی تصویر ہوتی ہے ۔ وہ ایسی جھوٹی اور بناوٹی دوستیوں سے دور رہنا پسند کرتی ہیں اور اپنی توجہ سچے اور بامعنی تعلقات پر مرکوز رکھتی ہیں۔
