لوگ مجھے ماہرہ خان کی بچھڑی بہن کہتے ہیں:سنیتا مارشل
کراچی (آئی این پی)ماڈل اور اداکارہ سنیتا مارشل نے اداکارہ ماہرہ خان سے اپنی مشابہت بارے بات کرتے ہوئے کہا ہے کہ اکثر لوگ مجھے ماہرہ خان کی بچھڑی بہن کہتے ہیں۔۔
حال ہی میں اداکارہ نے ایک ٹی وی شو میں شرکت کی جس دوران میزبان اشنا شاہ نے کہا کہ سنیتا مارشل کی شکل ماہرہ خان سے کافی مشابہت رکھتی ہے ،کیا آپ کو بھی اس سے متعلق لوگوں سے تبصرے موصول ہوتے ہیں،سنیتا نے ہنستے ہوئے کہا کہ جی ہاں، مجھے اکثر لوگ کہتے ہیں کہ میری شکل ماہرہ خان سے بہت ملتی ہے ، جب بھی ہم کہیں ملاقات کرتے ہیں، تو لوگ مذاقاً کہتے ہیں کہ ہم بچپن میں بچھڑنے والی بہنیں ہیں۔سنیتا نے کہا کہ تصاویر میں یہ مشابہت اور بھی زیادہ نمایاں ہو جاتی ہے ، خاص طور پر چہرے کے ساخت، ہونٹوں اور بالوں کی مماثلت کی وجہ سے ۔
روزنامہ دنیا ایپ انسٹال کریں
