کالا یرقان پاکستان کو نگل رہا ہے , کیا کرنا چاہیے
ہیپاٹائٹس سی کا شمار دنیا کے خطرناک ترین امراض میں ہوتا ہے اسے عام طور پر کالا یرقان بھی کہا جاتا ہے اور یہ کالا یرقان پاکستان کو نگل رہا ہے
(ڈاکٹر سعید اختر ) ہیپاٹائٹس سی کا شمار دنیا کے خطرناک ترین امراض میں ہوتا ہے اسے عام طور پر کالا یرقان بھی کہا جاتا ہے اور یہ کالا یرقان پاکستان کو نگل رہا ہے ، وزارت صحت کے مطابق پاکستان میں ہیپاٹائٹس کے مریضوں کی تعداد ایک کروڑ بیس لاکھ ہے عالمی ادارہ صحت کے اعدادوشمار کے مطابق مریضوں کے اعتبار سے پاکستان دنیا بھر میں پہلے نمبر پر ہے ۔یرقان سے ہر روزچار سو اور سالانہ ڈیڑھ لاکھ افراد موت کا شکار ہو رہے ہیں ۔روزانہ 680 اور سالانہ ڈھائی لاکھ افراد ہیپاٹائٹس سے متاثر ہو رہے ہیں ،کوئی شخص علامت ظاہر ہوئے بغیر کئی سال تک ہیپاٹائٹس بی اور سی کا شکار رہ سکتا ہے اس دوران جگر کے خاموشی سے متاثر ہونے کا عمل جاری رہتا ہے ۔ابتدائی مرحلے میں جگر کے کینسر کی علامت ظاہر نہیں ہوتی یہ آہستہ آہستہ پورے جسم میں سرایت کرتے ہوئے آخرکار مریض کی موت کا باعث بن سکتا ہے ، حیران کن امر یہ ہے کہ ہیپاٹائٹس کے چار میں سے تین مریض اس بیماری میں مبتلا ہونے کی بابت بے خبر رہتے ہیں ،ہمارے ہاں لوگ غیر ضروری طور پر معمولی بیماری میں انجکشن لگوانے چلے جاتے ہیں اگر لگوانا ہی ہے تو اس بات کو یقینی بنایا جائے کہ ڈسپوزایبل سرنج استعمال ہورہی ہے ، سیلون وغیرہ میں حجام شیو کے لئے ایک ہی استرا بار بار استعمال میں لاتے ہیں اور اس سے شام تک سینکڑوں لوگوں کو مریض بنا دیا جاتا ہے اسی طرح عطائی ڈینٹسٹ غیر محفوظ اوزار استعمال کرتے ہیں ،سب سے بڑا المیہ یہ ہے کہ لوگوں کو پتہ ہی نہیں ان کو ہیپاٹائٹس بی ہے یا سی ، پہلے اقدام کے طور پر سکریننگ شروع کی جانی چاہئے ہیپاٹائٹس سی کا علاج جو پہلے لاکھوں روپے میں ہوتا تھا اب ہزاروں میں ہورہا ہے اس وقت ہیپاٹائٹس کی بہترین دوا امریکہ میں 1000ڈالر کی ایک گولی ملتی ہے وہ پاکستان میں صرف 100روپے میں دستیاب ہے ، اس مرض کا علاج اب دس ہزار روپے میں ممکن ہے اگر 6ماہ کا علاج ہوگا تو بیس بائیس ہزار میں ہوجائے گا،ہم اس وقت سائنس اور وقت کے پر جوش مرحلے میں داخل ہوچکے ہیں 90فیصد لوگ ابھی بیماری کے ابتدائی مرحلے ہیں ان میں ہیپاٹائٹس کا مرض جان لیوا ہونے کے لئے 15سال لگیں گے انہیں چاہئے کہ وہ مختلف اداروں سے ہیپاٹائٹس سی کی جانچ کر والیں اس طرح 35سے 40فیصد سکرین ہوسکتا ہے صرف چالیس روپے کے ٹیسٹ سے مرض کا پتہ چل سکتا ہے بر وقت تشخیص سے علاج بھی ممکن ہے ۔
