عمران خان کا 5حلقوں سے الیکشن لڑنے کا فیصلہ
چیئرمین تحریک انصاف عمران خان نے آئندہ عام انتخابات میں ملک کے پانچ حلقوں سے الیکشن لڑنے کا فیصلہ کر لیا۔
لاہور (یاسین ملک ) وہ پنجاب کے تین ،سندھ اور خیبر پختونخوا کے ایک ایک حلقے سے الیکشن میں حصہ لیں گے ۔پارٹی کی طرف سے بلوچستان سے بھی الیکشن لڑنے کادباؤ بڑھ گیا ہے ۔ ذرائع کے مطابق عمران خان پنجاب میں لاہور ، میانوالی اور راولپنڈی کے حلقوں سے حصہ لیں گے جبکہ سندھ میں کراچی اور کے پی کے میں پشاور سے الیکشن میں حصہ لیں گے ۔ عمران خان چونکہ بلوچستان کے سوا تمام صوبوں سے الیکشن لڑرہے ہیں جس کے باعث تحریک انصاف کے دوسرے رہنماؤں نے عمران خان پر زور دیا ہے کہ وہ بلوچستان سے بھی الیکشن لڑیں تاکہ توازن پیدا ہو سکے تاہم عمران خان نے بلوچستان سے الیکشن لڑنے کیلئے مزید سوچنے کیلئے وقت مانگا ہے ۔
روزنامہ دنیا ایپ انسٹال کریں
