شارٹ فال7600میگاواٹ تک پہنچ گیا، 12 گھنٹے لوڈ شیڈنگ
اسلام آباد، لاہور (وقائع نگار خصوصی، اپنے کامرس رپورٹر سے) ملک میں گرمی کی شدید لہر سے بجلی کا بحران اور لوڈشیڈنگ بڑھ گئی ،شارٹ فال 7 ہزار 6سو میگاواٹ تک پہنچ گیا۔
پاور ڈویژن ذرائع کے مطابق شہری علاقوں میں چھ سے آٹھ گھنٹے جبکہ دیہی علاقوں میں لوڈشیڈنگ کا دورانیہ دس سے بارہ گھنٹے تک ہو گیا ۔ پاور ڈویژن ذرائع کے مطابق ملک میں بجلی کی مجموعی پیداوار 19 ہزار 2 سو میگا واٹ، طلب 26 ہزار 8 سو میگا واٹ اور شاٹ فال سات ہزار چھ سو میگاواٹ ہے جبکہ طلب اور رسد میں فرق کے باعث لوڈشیڈنگ کا دورانیہ 12 گھنٹے تک پہنچ گیا ، ذرائع کے مطابق شہری علاقوں میں لوڈشیڈنگ کا دورانیہ 6 سے 8 گھنٹے اور دیہی علاقوں میں لوڈشیڈنگ کا دورانیہ 10 سے 12 گھنٹے تک ہے ۔پاور ڈویژن ذرائع کے مطابق پانی سے بجلی کی پیداوار 5ہزار 7 سو میگا واٹ،پرائیویٹ بجلی گھروں سے 10 ہزار 4 سوتھرمل سے ایک ہزار میگاواٹ جبکہ ونڈ سولر اور نیو کلیئر پاور پلانٹس سے بجلی کی پیداوار 21 سو میگا واٹ ہے ۔
