ایکسائز پنجاب کا 28 ، 30 ستمبر کو نیشنل و سٹیٹ بینک کی برانچز رات 8بجے تک کھلی رکھنے کیلئے مراسلہ
لاہور (نمائندہ دنیا )محکمہ ایکسائز پنجاب نے صوبہ بھر کے سٹیٹ بینک اور نیشنل بینک کے سربراہوں کو مراسلہ بھجوا کر درخواست کی ہے کہ 28 اور 30 ستمبر کو پراپرٹی ٹیکس کی ادائیگی کی سہولت دی جائے اور ٹیکس وصولی کے لیے دونوں بینک پنجاب میں 8 بجے رات تک اپنی شاخیں کھلی رکھیں۔
محکمہ ایکسائز کے ترجمان کے مطابق 30 ستمبر تک پراپرٹی ٹیکس میں 5 فیصد رعایت دے رکھی ہے جس کے پیش نظر غالب امکان ہے کہ آخری دنوں میں زیادہ سے زیادہ لوگ ٹیکس جمع کرائیں گے اور یہ سہولت دینے سے حکومتی محاصل میں خاطر خواہ اضافہ ممکن ہے ۔
روزنامہ دنیا ایپ انسٹال کریں
