شیر افضل مروت کو عدالت کی پیشگی اجازت کے بغیر گرفتار نہ کرنے کا حکم
اسلام آباد(اپنے نامہ نگارسے )اسلام آباد ہائیکورٹ کے جسٹس ارباب محمد طاہر کی عدالت نے پی ٹی آئی لیگل ٹیم کے رکن شیر افضل مروت کو عدالت کی پیشگی اجازت کے بغیر گرفتاری سے روکنے کے احکامات جاری کردئیے ۔
گزشتہ روز سماعت کے دوران شیر افضل مروت اپنے وکیل عادل عزیز قاضی کے ہمراہ عدالت میں پیش ہوئے ،عدالت نے پولیس سمیت دیگر فریقین سے شیر افضل مروت کے خلاف درج مقدمات کی تفصیلات طلب کرتے ہوئے حکم دیا کہ یہ بھی بتائیں کہ شیر افضل کا نام ای سی ایل میں تو شامل نہیں،عدالت نے کیس کی سماعت جمعہ تک ملتوی کر دی۔شیر افضل نے اپنے خلاف درج مقدمات کی تفصیلات کے حصول کے لیے اسلام آباد ہائیکورٹ سے رجوع کررکھا ہے ۔
روزنامہ دنیا ایپ انسٹال کریں
