ٹانک:فورسز کا خفیہ اطلاع پر آپریشن،10دہشتگرد ہلاک
راولپنڈی (خصوصی نیوز رپورٹر)خیبرپختونخوا کے ضلع ٹانک میں سکیورٹی فورسز کے آپریشن میں 10دہشتگرد ہلاک ہوگئے ،آئی ایس پی آر کے مطابق ضلع ٹانک کے علاقے پیزو میں دہشتگردوں کی موجودگی کی خفیہ اطلاع پر آپریشن کیا گیا۔
اس دوران سکیورٹی فورسز اور دہشت گردوں کے درمیان فائرنگ کا شدید تبادلہ ہوا جس میں دس دہشت گردوں کو واصل جہنم کر دیا گیا ،یہ دہشت گرد سکیورٹی فورسز کے خلاف دہشت گردی کی متعدد کارروائیوں کے ساتھ ساتھ بھتہ خوری اور معصوم شہریوں کے قتل میں بھی ملوث رہے ، کارروائی کے دوران بھاری مقدار میں اسلحہ، گولہ بارود اور دھماکا خیز مواد برآمد کرلیا گیا،آئی ایس پی آر کا کہنا تھا کہ اہل علاقہ نے آپریشن کو سراہا سکیورٹی فورسز ملک سے دہشت گردی کی لعنت کے خاتمے کیلئے پرعزم ہیں۔
روزنامہ دنیا ایپ انسٹال کریں
