8فروری کو شدید برف باری،الیکشن 3سے 4ہفتے کیلئے ملتوی کئے جائیں:امیر مقام
مالاکنڈ (آئی این پی)مسلم لیگ ن کے رہنما انجینئر امیرمقام نے کہا کہ 8فروری کو شدید برف باری کی پیش گوئی کی گئی ہے ، الیکشن 3سے 4ہفتے کیلئے ملتوی کئے جائیں، انہوں نے پریس کانفرنس کرتے ہوئے کہا کہ قوم نواز شریف کی طرف دیکھ رہی ہے ۔
مسلم لیگ ن کی ٹیم قابل لوگوں پر مشتمل ہے ، نوازشریف نے ملک سے لوڈشیدنگ اور دہشت گردی کا خاتمہ کیا، 2017 کے بعد ملک کے حالات خراب ہوئے ، سابق چیئرمین پی ٹی آئی نے ملک کو کیا دیا؟امیر مقام نے کہا کہ ہماری مخلوط حکومت نے ملک کو ڈیفالٹ ہونے سے بچایا، اگر ملک کو ترقی کی راہ پر چلانا ہے تو نوازشریف کا آنا ضروری ہے ، خواب دیکھنے پر کوئی پابندی نہیں، پرویز خٹک خواب دیکھ رہا ہے ،مسلم لیگ ن کے رہنما نے کہا کہ مجھ پر کئی خودکش حملے ہوئے مگر عوام کے درمیان ہوں، تمام اضلاع کی تنظیموں کو سیٹ ایڈجسٹمنٹ کا اختیار دیا ہے ، سابق وفاقی وزیر لعل محمد خان کے فرزند محمدنعیم خان مسلم لیگ ن میں شامل ہوگئے ہیں۔
