گورنمنٹ کالج یونیورسٹی : جینز پینٹ ٹی شرٹ پہننے پر پابندی
لاہور(ایجوکیشن رپورٹر)گورنمنٹ کالج یونیورسٹی نے طالبات کے جینز پینٹ پہننے پر پابندی لگا دی ۔یونیورسٹی انتظامیہ نے طلبہ و طالبات کے لیے نیا ڈریس کوڈ جاری کردیا ۔طالبات کے جینز اور ٹی شرٹ پہننے پر پابندی لگا د ی گئی ۔
مراسلے میں کہا گیا ہے کہ میل سٹوڈنٹس ڈریس شرٹ اور پینٹ پہنیں گے ۔ انٹرمیڈیٹ کے تمام سٹوڈنٹس یونیفارم لازمی پہنیں گے ۔تمام سٹوڈنٹس کو یونیورسٹی آئی ڈی کارڈ کلاس رومز اور یونیورسٹی کی حدود میں لازمی پہننا ہوگا ۔ خلاف ورزی کرنے والوں کو جرمانہ ہوگا۔طلبہ کی جانب سے انتظامیہ کے فیصلے پر اعتراضات اور تحفظات کا اظہار کرتے ہوئے کہا گیا ہے کہ کسی بھی یونیورسٹی میں ایسی ہدایات نہیں ہیں۔
روزنامہ دنیا ایپ انسٹال کریں
