9میں سے 7 لاپتا بلوچ طلبا واپس آگئے سندھ ہائیکورٹ میں رپورٹ جمع
کراچی(سٹاف رپورٹر)گلشن اقبال کے علاقے سے 9بلوچ طالب علموں میں سے 7واپس آگئے ، پولیس نے سندھ ہائیکورٹ میں رپورٹ جمع کرادی۔
رپورٹ میں بتایا گیا کہ واپس آنے والے طالب علموں میں شعیب علی، اشفاق، شہزاد، بیبگر امیر، زبیر، قمبر علی اور سعید اللہ شامل ہیں۔ محمد جاوید نامی طالب علم گمشدگی کے ایک روز بعد واپس آگیا تھا۔درخواست گزار کے وکیل نے موقف دیا کہ دن دیہاڑے طالب علموں کو اٹھا کر لے جایا گیا تھا، پولیس نے گمشدگی کا مقدمہ بھی درج نہیں کیا۔ عدالت نے ریمارکس دیئے کہ مقدمہ بھی درج ہوجائے گا۔ عدالت نے واپس آنے والے طالب علموں اور درخواست گزار کو پولیس تحقیقات میں تعاون کرنے کی ہدایت کردی۔
روزنامہ دنیا ایپ انسٹال کریں
