پی آئی اے کی پروازسامان جدہ چھوڑ آئی،مسافرپریشان
لاہور (نیوز رپورٹر )پی آئی اے کی پرواز مسافروں کا سامان جدہ ایئرپورٹ پرچھوڑ آئی، مسافروں کو پریشان کرنے کی روایت برقرار ، سامان چھوڑ آنا معمول بن گیا ،جدہ سے کراچی آنیوالی پرواز60 سے زائد مسافروں کا سامان جدہ ہی چھوڑ آئی۔
مسافر کراچی ایئرپورٹ پر سامان کیلئے پریشان ہوتے رہے ، انکا کہنا تھا کہ کراچی پہنچنے پر سامان بارے بتایا گیاجبکہ جدہ ایئرپورٹ پر پرواز 2 گھنٹے تاخیر سے آئی ۔ قومی ایئرلائن ترجمان نے بتایا بعض مسافروں کا سامان جہاز میں گنجائش نہ ہونے پرلوڈ نہ ہوسکا جواگلی پروازسے پہنچایا جائے گا۔
روزنامہ دنیا ایپ انسٹال کریں
