باجوڑ میں 2ریموٹ کنٹرول دھماکے پولیس اہلکار سمیت 2 افراد جاں بحق
باجوڑ(نیوز ایجنسیاں)ضلع باجوڑ میں 2 الگ الگ ریموٹ کنٹرول بم دھماکوں میں پولیس اہلکار سمیت 2 افراد جاں بحق ہو گئے ۔
ڈی پی او باجوڑ وقاص رفیق کے مطابق تحصیل ماموند میں پہلا ریموٹ کنٹرول دھماکا علاقہ ایراب میں ہوا، جس میں ملک اصغر نامی شخص جاں بحق ہوگیا۔ پولیس کے مطابق دوسرا دھماکا علاقہ مینہ خوڑ میں ہوا جس میں پولیس اہلکار احسان اللہ جاں بحق ہو گیا۔ پولیس نے علاقے کو گھیرے میں لے کر سرچ آپریشن شروع کر دیا ۔جاں بحق ہونے والے دونوں افراد کی لاشوں کو ہسپتال منتقل کر دیا گیا ہے ۔
روزنامہ دنیا ایپ انسٹال کریں
