بلائنڈ 20ورلڈ کپ میں پاکستانی ٹیم کا کامیاب آغاز
اسلام آباد(آئی این پی )ٹی ٹونٹی بلائنڈ کرکٹ ورلڈکپ کے پہلے میچ میں پاکستان نے جنوبی افریقہ کو آٹھ وکٹوں سے شکست دے دی۔ پاکستان نے 130رنز کا ہدف 10.3اوورز میں حاصل کرلیا ۔۔
پاکستان کی جانب سے نعمت اللہ کو مین آف میچ قراردیا گیا جبکہ نعمت اللہ نے 59رنز سکورکیے ۔میچ میں جنوبی افریقہ بلائنڈ ٹیم نے پہلے کھیلتے ہوئے 20 اوورز میں 8 وکٹوں کے نقصان پر 129 رنزبنائے , لیصوفی نے 24 اور ٹرہار نے 17 رنز سکور کئے ، پاکستان کیجانب سے بابر علی نے 2 اور محمد شاہ زیب نے ایک وکٹ حاصل کے , 130 رنز کا ہدف پاکستان ٹیم نے 10.3 اوورز میں صرف دو وکٹوں پر پورا کر کے میچ آٹھ وکٹوں سے جیت لیا، پاکستان کی جانب سے نعمت اللہ نے 59 رنز سکور کیے اور میچ کے بہترین کھلاڑی بھی قرار پائے ۔
خیال رہے کہ ٹی ٹونٹی بلائنڈ کرکٹ ورلڈ کپ میں ٹورنامنٹ کے افتتاحی روز بھارتی ٹیم کے نہ آنے سے بنگلہ دیش ٹیم کو پہلے میچ میں واک اوور مل گیا ہے ۔
