علی امین کا این ایف سی ایوارڈ پر سپریم کورٹ جانے کا اعلان
پشاور(آئی این پی)وزیراعلیٰ خیبرپختونخوا علی امین گنڈاپور نے آرمی چیف کے دورہ پشاور کے دوران اجلاس میں گورنر کے پی سے گرما گرمی کی تصدیق کردی۔
ٹی وی انٹرویو میں گنڈاپور نے کہا گورنر نے صوبے کو ملنے والے فنڈز کے غلط اعداد و شمار پیش کیے ۔ تصحیح پر فیصل کریم کنڈی بھڑک اٹھے ۔ جس پر میں نے اجلاس سے واک آئوٹ کیا۔علی امین نے کہا کہ این ایف سی ایوارڈ کے معاملے پر سپریم کورٹ جائیں گے ۔ یہ بھی کہا افغانستان کے حوالے سے جو کہا تھا حکومت اس پرآگئی ۔ مگر اب کہہ رہے ہیں بات چیت کا کوئی فائدہ نہیں ہو رہا۔