عباسی ، مفتاح کے پارٹی چھوڑنے سے نقصان ہوا، رانا ثنا
اسلام آباد (آئی این پی )وزیراعظم کے مشیر سیاسی امور رانا ثنا ء اللہ نے کہا ہے شاہد خاقان عباسی اور مفتاح اسماعیل کے پارٹی سے جانے کا ہمیں نقصان ہوا۔
ایک انٹرویو میں انہوں نے کہا مولانا فضل الرحمن کو 26 ویں آئینی ترمیم میں ساتھ لے کر چلے ، ہم ان کے بغیر آئینی ترمیم کے لئے آگے نہیں بڑھے ۔ انکا کہنا تھا ہم پرانے دوستوں کو نہیں بھولے ، ہمیشہ یاد رہتے ہیں، ہم نہیں چاہتے تھے شاہد خاقان عباسی اور مفتاح اسماعیل پارٹی سے جائیں۔ انہوں نے کہا جوبھی مطالبات ہیں ان پر سیاستدانوں کو بیٹھنا چاہیے ۔سیاستدان اگر آپس میں بیٹھیں گے تو معاملات سلجھیں گے ، ابتدا میں ہم سے کوتاہی ہوئی جس کا ہم نے ازالہ کیا۔
روزنامہ دنیا ایپ انسٹال کریں
