بھارت سے کشمیر سمیت تمام مسائل کے حل کیلئے نتیجہ خیز مذاکرات کر رہے :وزیرخارجہ
اسلام آباد (نامہ نگار، این این آئی)وزیرِ خارجہ اسحاق ڈار نے کہا کہ پاکستان بھارت سے کشمیر سمیت تمام تصفیہ طلب مسائل کے حل کے لیے تعمیری روابط اور نتیجہ خیز مذاکرات کر رہا ہے ۔
بھارت پر زور دے رہے ہیں کہ وہ امن اور بات چیت آگے بڑھانے کے لیے سازگار ماحول پیدا کرے کیونکہ بھارت کے مقبوضہ جموں و کشمیر میں غیر قانونی قبضہ سے دو طرفہ ماحول کو سازگار بنانے میں مشکلات کا سامنا ہواہے اور اس نے امن اور تعاون کے امکانات کو متاثر کیا ہے ،قومی اسمبلی اجلاس میں جمع کرائے گئے تحریری جواب میں وزیر خارجہ نے کہا کہ دو طرفہ تعلقات میں مشکلات کے باوجود پاکستان نے ذمے داری سے کام جاری رکھا، لائن آف کنٹرول پر جنگ بندی کو برقرار رکھا گیا ۔انہوں نے کہا کہ اکتوبر 2024ء میں کرتارپور راہداری معاہدے کی مزید 5 سال کے لیے تجدید کی گئی۔
روزنامہ دنیا ایپ انسٹال کریں
